صبايا رح علمكن طريقة سنفرة للجسم وكلها من مواد طبيعية وموجودة بكل بيت 😍😍
المكونات
- ملعقة قهوة ( بن )
- ملعقة سكر
- نص ملعقة زنجبيل
- نص ملعقة برغل ناعم او سميد
- نص ملعقة عسل
- عصرة ليمون
- زيت ( أنا ستخدمت زيت جونسون للاطفال + زيت Bio oil )
رح احكيلكم شو فوائد كل مكون حطيتو
القهوة بتحتوي على الكافيين وبتعمل على تخفيف السلوليت
الزنجبيل بيعمل على تنشيط الدورة الدموية وإذابة الدهون
العسل معقم ومطهر ومضاد للاتهابات
الليمون بيعمل على تفتيح المناطق الغامقة
الزيت بيعمل على ترطيب الجسم وطبعاً الزيت بتزيد فعاليتو وسهولة دخولو للجلد مع الحمام لانو بتكون البشرة رطبة والمسامات مفتوحة
بالنسبة للسكر و البرغل او السميد فهو المكون الخشن يلي رح يعمللنا السنفرة ويزيل الجلد الميت
النتيجة نعومة وترطيب وتنشيط الدورة الدموية بالإضافة للتخلص من الجلد الميت ومع الوقت بتخفف السيلوليت والدهون 😍😌