يا عاصفة الحزم لبينا النداء كلمات الشاعر بدر غازي أداء المنشدين حاكم الشيباني وحاتم الشاطري Italy

يا عاصفة الحزم يا درب الخطر لبيه يا لبيه دقينا الصدر هذا أنا والقاف والمعنى هنا دون الوطن والله ما أدور عذر لا جرها حاتم على اللحن القصير يجاوبه حاكم وكاتبها بدر لا خير في شعرٍ ماهو لأجل الوطن إي والله نحبه نقاء ماهو غدر حنا جنودٍ لادعى الموقف لنا حنا فدى ترابه إليا شان القدر المملكة عذراء وحنا رجالها لاغطرفت جينا وكن فينا دجر نامي على جفن المواطن واحلمي وحنا ليا نمتي نبى نخاوي السهر نطرب على صوت القنابل لا دوت لعيونها نضرب متاهات الخطر يا اللي تبي تاصل حدود المملكة المملكة من دونها الموت الحمر الموت لا من غطرفت من دونها ولا حياة الذل والدنيا عبر حيّ الله الموت إن دعت واستنجدت ما دامنا نلقى في ثرى الموطن قبر إليا استعزت عزنا من عزها أنا أشهد أن هذا الفخر هذا الفخر الوقت لا من شان جينا كلنا يا المملكة قواتنا حزام الظهر الطائرة والمدفعية والسفن في الجو وإلا البر وإلا في البحر دام استعدينا استريحي وارغدي يا اللي على ثراك عشنا أحلى عمر نسهر على حدك ولا فيه ازتمال الحمد لله واجب وعز و أجر حنا فدى ترابك وحنا موعدك لا دقت الساعة ما يمنعنا الحذر اللي ما هو جندي تجنّد واستعد من روسنا اللي تطّبخ عز وصطر نقدم على الجبهة ولا والله نهاب نصل العلا حتى ولو ناطى الجمر دامك وطنا وقد عطيناك الولاء وصغيرنا على ثرى أرضك كبر دامك حويتينا وتسميتي بنا من شان فرحتنا تسوقين المهر وشلون ما نحمي حدودك يا وطن وناقف على شانك إليا حل القدر حنا دروع المملكة وإليا انتخت رمحٍ يكج الدم لا دق النحر عيوننا في ظل سلمان السعد القايد اللي نسمعه في كل أمر سلمان منا وللوطن درعٍ حصين حراً على عرش الحكم بان وشهر سياسته لا شك منقطعة نظير هوأول جنود الوطن وبكل فخر ولي عهده مقرن الكف اليمين وقفة أسد لزة فهد هدت صقر والنائب الثاني محمد درعنا ابن المحنك حيّ عينه لا ظهر قاداتنا وحنا امتثلنا لأمرهم لنا لنا في اليسر وإلا في العسر عاش الوطن حنا دفاعه والجنود وزيرنا محمد دفاعٍ منتصر هو الدفاع ولو يقولون الوزير مثل الأسد يا حي عينه لا زأر يا عاصفة الحزم لبينا النداء لبيه يا لبيه يا حد الخطر هذا وطنا حقه الحق الكبير كلما كبرنا والله أن حقه كبر يا عاصفة الحزم لبينا النداء كلمات الشاعر بدر غازي أداء المنشدين حاكم الشيباني وحاتم الشاطري مونتاج شبكة الشدادين الرسمية www.shdadeen.com

Category