أسرار بسيطة للمبتدئين لبناء جسم جميل و عضلات قوية | أسرار من المدرسة القديمة Italy

السلام عليكم خاوتي صح رمضانكم و ربي يتقبل منا ومنكم ان شاء الله صالح الاعمال حبابنا في هذي الحلقة ان شاء الله راح نتكلمو في موضوع مهم و مهم جدا ،،،، واش هو هذا الموضوع ؟ قبل مانبداو في موضوع اليوم حبيتكم تعرفو خاوتي انوا الكثير من الناس يستغل المبتدئين في هذه الرياضة و يستغل جهلهم لها و لكن ليس الكل لان دائما نلقاو ناس يستحقو التشجيع و لكن قلال للاسف على هذا تشجعت نعمل قناة و نقدملكم كل الافكار اللي ناخدها من الابطال الاجانب او بمعنى اخر ،،، انا نتابع بزاف الابطال و المدربين سواء من المدرسة القديمة او الجديدة و على هذا نحاول من اليوم ترجمة محتواهم و نقدمولكم في حلقات و باذن الله تستفادوا منها . لانو حقيقة يوجد محتويات عربية مفيدة لكن للاسف ناقصة و ناقصة بزاف لذلك راح نترجملكم الافكار الاجنبية لاني بكل صراحة نشوفها مهمة جدا لكل الرياضيين . اسف خاوتي طولت عليكم ،، هذي النقطة فقط حبيت نوضحها ٠ و الموضوع اللي نتكلمو عليه اليوم هو التمرين الصحيح ل عضلة الضهر اللي ينصح بيها ابطال العالم في رياضة كمال الاجسام و راح نتكلم كذلك على اختصار الوقت و الخطر نتاعو .... علابالي مافهمتو والو في النقطة الثانية ..لكن تابعو معايا حتى النهاية لانو في نهاية الفيديو جايبلكم عرض هايل على واحد المكمل نتاع ضخامة راح يعجبكم باذن الله .. اذا راك مهتم بحلقة اليوم خلينا نقول بسم الله و نبدأ الحلقة ،،،،، خاوتي باش يكون عندك عضلات ضهر قوية صراحتا هذا شيء روعه ،، ولكن ،، لازم تعرف كيف تؤدي التمرين او بالعامية تعرف كيفاش تقوم بالتمرين نتاعك لانو خاوتي الية التمرين مهمة جدا ٠ و كثافة التمرين ،، يعني التدرب بقوة كذلك مهم جدا على هذا نقولكم خاوتي كاين بعض الاشياء مراهيش مهمة حتى تتناولها و التدرب لوقت اطول حتى هو ماشي مهم باش يكون عندك عضلات قوية . ومن هنا نرجعو للنقطة الثانية و هي اختصار الوقت نلقاو بزااااف ناس يتدرب كحد اقصى عام هذا حد اقصى مما قلت و من بعدها يحب بين ليلة و ضحاها يتبدل و يبني عضلات بلخف و هذا يخليه يروح لأشياء مثل ما قلت غير مهمة و رانا نشوفوها خاوتي نلقاو شباب يتناولو حبوب منع الحمل و يتناولو اشياء رايحة تهلك الصحة نتاعو لهذا نقوللكم حاجة عمرك لا تختصر الوقت على حساب صحتك ،، الرياضة هذي لازملها الصبر نرجعو خاوتي للنقطة الاولى وهي كيفاش نقوم بالتمرين الصحيح اللي يخليني نكتسب عضلات ضهر قوية و على هذا جبتلكم طريقة وسطية يعني مافيهاش مبالغة و مافيهاش تفنيين كما نقولو بالعامية لانو كاين بزاف ناس تلقاه يتمرن و يحكي مع صديقو او يتمرن و عقلوا بعيد تماما لذلك انا من الان نقلك ارجع للبيت و كول قلب اللوز على روحك هههه اولا النقطة الاولى تدخل للصالة الرياضية تقوم بعملية احماء و تقدر تبدأ بالعقلة او كما نقولو بار فيكس هذا يخلي الدم يضخ لعضلات الضهر و نبداو نحضروها ومن بعد نروحو للاوزان و نقلكم انو الاوزان الثقيلة صح هي جيدة لكن ماتكونش جيدة اذا ماتكونش قادر تتحكم فيها كاين ناس يدير 100 كلغ عضلة صدر على كرسي مستوي يعني كيما نقولو كوشي ،،، هذا الوزن تلقاه مايقدرش يجيب بيه حتى زوج عدّات و ممكن وحدة مايجيبهاش و تلقى عينيه خارجين و يقتل في روحو ههه على هذا نقلك نقص الاوزان و اخدام مليييح بوزن تقدر تتحكم بيه ولازم وانت تتمرن لازم تلحق للعدة الاخيرة لي تقدر عليها يعني ماشي كيتحس شوي تعب تتوقف لالا كمل لاخر عدة عندك و اذا ماقدرتش تلحقلها جيب الحد الاقصى اللي تقدر تلحقلو | لانو كاين كلمة قالها البطل سمير البنوتِ قاللهم انا ماكنتش نحسب العدات كنت نخدم حتى نتعب و نتوقف و حقيقة هذا اللي يخليك تطور بسرعة واللي مايعرفش سمير البنوت تقدر تكتب اسمه في غووغل و تقرأ عليه اكثر و هو من عشاق المدرسة القديمة لي كانو فيها بزاف ابطال و من بينهم بطلنا بن عزيزة الله يرحمو و نزيدلكم حاجة خاوتي بالنسبة اللي عندهم نقطة في منطقة معينة من عضلات الضهر لازم تبحث على تمارين تخليك تستهدف تلك المنطقة لانو دائما الاولوية تكون لنقاط الضعف لازم تحسنها و ماتنسوش دائما ( تدرب بدقة ) ماتبقاش تتدرب وانت مزروب لانو العضلة لازم تتدبها بحدة او كما نقولو لازم تتدرب بقوة و لازم لازم تركيزك و كل عقلك يكون مع عضلات ضهرك صح ممكن يكون بعض التشويش حداك لكن مايمنعكش من التركيز الامر مايتعلقش بمدة التدريب هو يتعلق بكيفية التدريب اخدم نصف ساعة بقوة صدقوني راح تكون كافية على خدمة نتاع ساعتين و انت تضحك و تحكي مع الاصدقاء نتاعك و بعد ماتخلص تمرين اليوم لعضلة الضهر حاول المرّة الجاية جرب تمارين جديدة ما درتهاش في الحصة السابقة بمعنى انو التنوع يلعب دور احبابي متشرف بمتابعتكم للحلقة و اريد ان اشكركم جزيل الشكر على دعمكم الرائع من بعدها يأتي وقت تناول الوجبة روح للبيت تناول وجبة صحية غنية بالكارب و البروتين و الدهون الصحية و تناول مكملاتك اللي تساعدك حتى هي على الاستشفاء واذا كنتو حابين حلقات نحط فيهم صور لكل تمرين سواء ضهر او صدر او اي عضلة نحطو برنامج تدريبي كامل ونشرحوه خلولي تعليق خاوتي ومن هنا لحقنا لنهاية الفيديو نشكركم كل الشكر اللي كملتو معايا الحلقة حتى هذي النقطة وحتى نعرف الناس اللي تابعوني حتى النهاية اتركولي تعليق قولولي اي شيء يدل على اكم كملتو الفيديو وبالنسبة للعرض للكل الكل يستناو فيه ^ا هو تخفيض رهيب على مكمل critical mass اللي ضهر امامكم مكمل و نص يستاهل تجربوه و بزاف ناس جربوه و اذا كنت من بينهم اترك تعليق و اعطينا رايك فيه المهم المكمل سعره الحالي هو 740 الف الحجم نتاعو هو 4.5كلغ و السلام عليكم ورحمة الله تعالى وبركاته احبابي متشرف بمتابعتكم للحلقة و اريد ان اشكركم جزيل الشكر على دعمكم الرائع ————————————————————————————————————————————————- لطلب اي مكمل اتصلوا : 0655749685 / 0557949580 تابعونا على الفايسبوك : top mass وكذلك على instagram : top_mass_dz

Category