لذييييذ و طريقته سهلة جدا. بس بده وقت و النتيجة رهيبة.
اول شي اتذكروا لما تشتروا الديك الرومي لازم تتركوه بالبراد يومين اقل شي ليفك الثلج عنه.
للتبيل (ملح و فلفل اسود لداخل الديك)
للزبدة (حرارة الغرفة ٢٠٠ جرام) إكليل الجبل، زعتر بري، ملح، فلفل اسود، ثوم زيت زيتون خفيف و خلطتهم مع بعض (هي خلطة المساج تحت الجلد و على الديك.
الخضار و الفواكه على كيفكم انا استعملت بصل، برتقال، ليمون، جزر و روزميري للحشوة.
بالصينية حطيت كرفس، بصل، جزر، روزميري و ربع كوب ماء
بالفرن على درجة حرارة ١٨٠ لمدة ٣ ساعات و نص مع مراعات دهن الديك بالسوائل الي بالصينية كل ٤٠ دقيقة.
الصلصة الي عملتها او الجرايفي هو كل الخضار الي بالصينية مع إضافة نصف كوب ماء ضربتهم بالخلاط و صفيتهم و غليتهم مع إضافة نصف ملعقة كبيرة من الطحين.
الفواكه على التقديم كانت عنب، تفاح، برتقال، ليمون و كستناء، قلبتهم بمقلاة مع إضافة الزبدة لياخدو لمعة حلوة و لدعة نار 😉
كل عيد وانتوا بخير
#food #turkey #xmas #christmas #recipe #dinner #اكل #وصفات #ديك_رومي_رغيد #كريسمس #newyear #holiday